Deputeti i Lidhjes Demokratike të Kosovës, Avdullah Hoti ka thënë se 613.4 milionë euro është kostoja që i shkaktuan Kosovës masat e Bashkimit Evropian për periudhën qershor 2023 – prill 2025.

Me anë të një postimi në Facebook, Hoti ka publikuar edhe një tabelë që sipas tij, janë projektet kryesore që janë pezulluar.

“613.4 mln euro është kostoja totale e masave të BE-së ndaj Kosovës për periudhën qershor 2023 – prill 2025. Këtu përfshihen projektet e pezulluara për afat të pacaktuar. Nga kjo shumë, 7.1 mln euro janë të humbura plotësisht, të cilat parashiheshin për bujqësi, turizëm rural, ndërmarrje etj. Sektorët më së shumti të ndikuar janë: mjedisi 351 mln euro, energjia 114 mln euro, digjitalizimi 57 mln euro, kultura 15 mln euro etj”, ka shkruar Hoti./Arbresh.info